Қарағанды ЖЭО-1 1960 жылы іске қосылған қаланың орталық бөлігі үшін жылу энергиясын өндіреді, тек жылу беру кезеңінде жұмыс істейді, жылу беру мерзімі аяқталған сон өз жұмысын тоқтатады. Өткен жылыту маусымы барысында 1-ЖЭО жылу энергиясын үздіксіз өндіруді қамтамасыз етті. Жылыту маусымының ең суық кезеңінде станцияның максималды жүктемесі шамамен 213 Гкал/сағ құрады.

Депутаттар станцияның қазандығы мен турбиналық цехына барып, станцияның негізгі және қосалқы жабдықтарына жоспарлы жөндеу жұмыстары жүргізіліп жатқанын көрді. «Караганда Энергоцентр» ЖШС техникалық директоры Флюр Гарипов депутаттарды жылыту маусымына дайындық туралы мәлімет берді. Қазіргі уақытта мұнда екі қазандық агрегатына (энергетикалық және су жылыту) және бір турбинаға ағымдағы жөндеу жұмыстары жүргізілуде.

Кездесу барысында жылыту маусымы кезінде ЖЭО-1 жұмысына қатысты сұрақтар қойылып, жауаптар алынды: температуралық кестені сақтау, ыстық сумен жабдықтау сапасы, сондай-ақ алдағы жылыту кезеңіне арналған отын қорын құру. ЖЭО-1 жұмысын көмірден газға ауыстыру, станцияның жұмысын сумен резервтік қамтамасыз ету мүмкіндігін құру перспективаларын талқылады.